Tema: Besimi

Përshëndetje miqtë e mi.  Uroj që ju të jeni të vëmëndshëm për të dëgjuar atë që Fjala e Perëndisë dëshiron të na thotë sot.

Publiciteti i shtyn njerëzit të blejnë prodhime dhe shumë e lënë veten të binden nga këto propozime. Por kur është fjala për të pranuar dhuratën e jetës së përjetëshme dhe sigurinë e faljes në Krishtin, çuditërisht refuzojnë. Ata kanë më shumë besim në propagandën se në Perëndinë.

- Çfarë është besimi?

Nëse ti do të ishe duke u mbytur dhe të të hidhnin një litar për të të shpëtuar, do të humbje kohë të mendoheshe duke mos pasur besim në atë litar, apo do të dëshiroje ndoshta të kërkoje në atë moment kaq të vështirë ta blije?

Sigurisht që jo. Jam i sigurtë që do ta kapje atë litar  me shpresë e besim.

Litari që të ofrohet sot nuk është kisha ungjillore, nuk është feja në përgjithësi, ai litar është Krishti.

Mund të jemi të shpëtuar nëpërmjet besimit, që do të thotë të besojmë plotësisht në Krishtin që shtrin dorën e Tij për të na shpëtuar.

Vite më parë, një ekuilibrist i madh francez me emrin Blondel, shkon në Shtetet e Bashkuara dhe vendos të kalojë dy anët e Niagarës mbi një litar. Ishte plotësisht i bindur që do t’ia dilte në krye. Dhe arrin të kalojë mbi litar. Pastaj për habinë e të pranishmëve kthehet përsëri mbi litar, por këtë herë me një çadër. Hap pas hapi, edhe pse era e detyronte të humbte ekuilibrin, por ia doli në krye. Vjen momenti tjetër ku ai merr një biçikletë dhe pasi ua kishte treguar njerëzve, hip përsëri mbi litar për tu kthyer përsëri përmes ushtimës së ujvarës.

Pasi kishte dhënë një demostrim të mirë të shkathtësisë së tij, fillon të sfidoj publikun duke pyetur: “ Vë bast që jam në gjëndje ta bëj edhe me një karrocë!”

“Sigurisht!” përgjigjet publiku, dhe në fakt e bën, duke ia dalë përsosmërisht. “Besomëni që mund t’ia dal më një njeri në karrocë?” “Po, po, të besojmë!” “Atëherë kush beson me të vërtetë, të hipë në karrocën time!” Të gjithë shikonin njëri tjetrin të habitur dhe një pjesë e mirë e turmës zhduket në errësirë: asnjë nuk doli përpara. Besimi i tyre nuk ishte një besim që vepron.

Edhe ne kur i pyesim njerëzit: ”Beson në Zotin Jezus?” pjesa më e madhe thotë “Po”, por kur vjen momenti për ta demostruar duke i dhënë jetën e tyre Atij, shumë tërhiqen prapa.

Është e vërtetë që ka shumë fallsitet dhe konfuzion përreth dhe është normale që njerëzit të pyesin cila është e vërteta.

Në fakt ajo nuk gjëndet në një fe, as tek feja më e mirë që mund të mendojmë, megjithëse nuk ekziston një e tillë, por Jezusi thotë: “Unë jam rruga, e vërteta dhe jeta. Askush nuk mund të shkojë tek Ati, vetëm nëpërmjet Meje”. Është e qartë. Jezusi thotë: “Unë jam e vërteta, jo “një e vërtetë”.

Jezusi ka vdekur mbi kryq për ty, askush tjetër se ka bërë dhe Ai të thotë që nëse shkon tek Ai, nuk do të të nxjerrë jashtë.

Bibla na mëson se Jezusi ka vdekur “Derisa çdokush që beson në Të të mos humbasë, por të ketë jetë të përjetëshme”.

Nëse refuzon të vendosësh besimin tënd në Të, do të mbetesh nën gjykimin e përjetshëm, që është pasojë e gjykimit të cilit do ti nënshtrohesh. Është njëlloj sikur të jesh duke u fundosur me një barkë në mes të detit dhe një barkë tjetër vjen për të të shpëtuar. Do të mjaftonte një hap për të të shpëtuar, por nëse ti refuzon të besosh në ata të cilët duan të të shpëtojnë dhe vendos të qëndrosh në barkën e vjetër, do të përfundosh në fund të detit.

Miqtë e mi; për të fituar jetën e përjetëshme nuk janë të nevojshme as paratë, as lutjet, as ritet, as lulet. Duhet vetëm besimi, por besim i vërtetë që vepron.

Bibla thotë: “Është prej hirit të Tij që jeni shpëtuar përmes besimit, jo për meritën tuaj, duke qenë se bëhet fjalë për një dhuratë të Perëndisë!”

Zakonisht njerëzit duan të bëjnë vepra të mira për të fituar shpëtimin, ndërsa Jezusi më parë na shpëton dhe pastaj na jep forcën për të kryer vepra të mira si krijesa të reja në Krishtin.

Në fakt pjesa që cituam vazhdon: “Ju në fakt jeni të shpëtuar me anë të hirit, nëpërmjet besimit dhe kjo nuk vjen nga ju, po është dhurata e Perëndisë, jo nga vepra që të mos mburret askush.       

Perëndia na ofron jetën e përjetëshme falas dhe nëse e pranojmë, lindim sërish. Për të bërë vepra frymërore duhet më parë, të lindim frymërisht.

Dhe tani më lejoni t’ju tregoj një histori.

Një ditë pranvere mbi lumin e Niagarës, para derdhjes, një pjesë akulli me një gjel të ngrirë sipër u këput dhe e shtyrë nga rryma, fillon të drejtohet drejt derdhjes.

Një shqiponjë, duke parë gjelin nga lart, u hodh sipër me krahët e saj të mëdha të hapura, duke shkulur me forcë pendët e tij. 

Ndërsa ishte e përqëndruar duke ngrënë gjelin, copa e akullit shtyhet nga rryma e fortë duke kapërcyer rrugën mbi të cilën ishte shkruar rrezik i pashmangshëm.

Njerëzit që gjëndeshin mbi breg kurioz prej kësaj shqiponje, pyesnin veten nëse do të shpëtonte.

Por shqiponja, nga ana e saj, ndihej e sigurtë prej krahëve të saj të mëdha dhe të larta, duke ditur që, në minutin e fundit, do të mund të shkëputej fluturimthi me barkun plot. Duke arritur kështu mbi grykën e derdhjes, shqiponja fillon të rrahë krahët për tu shkëputur, por uji që përplasej nga rryma e fortë, kishte ngrirë kthetrat e saj në gjelin e ngrirë duke mos i lënë asnjë rrugë për t’ia mbathur.

Ndoshta t’i sot mik i dashur ndodhesh në të njëjtin pozicion me atë të shqiponjës, e di që i përket kategorisë së atyre që i pret ndëshkimi i drejtë i Perëndisë, por mendon të presësh edhe pak; ndoshta një ditë tjetër, ndoshta një vit tjetër. A nuk e di që e nesërmja nuk të përket?

Jezusi është e vetmja rrugë, e vetmja e vërtetë, e vetmja jetë. Sakrifica e Tij mbi kryq, na ka lejuar të shpëtohemi dhe kjo jo për meritat tona, por prej besimit në Të. Parajsa është një dhuratë që 2000 vjet më parë Perëndia ka vënë në dispozicion të kujtdo që pranon Jezu Krishtin për besim.

Ndoshta je duke pyetur veten: “Si mund të pranoj dhuratën e jetës së përjetëshme?” Prano Krishtin si Zot dhe Shpëtimtar në jetën tënde, kështu do të marrësh dhuratën e Tij, jetën e përjetëshme. Në Bibël është shkruar “Dhe dëshmia është kjo: Perëndia na dha jetën e përjetëshme dhe kjo jetë është në Birin e Tij. Ai që ka Birin, ka jetën; ai që nuk ka Birin ePerëndisë, nuk ka jetën”.

Është njësoj sikur Perëndia tani të të dhuronte një dhuratë të bukur në një kuti të mbyllur. Për të thënë që është e jotja, më parë duhet ta pranosh. Jeta e përjetëshme është në Krishtin, pranoje.

Perëndia në këtë moment po të ofron dhuratën e Tij të mrekullueshme, përse nuk flet me Të në lutje? Thuaji – “Zot, kam kuptuar që jam një mëkatar, dua të pranoj Birin tënd Jezu krisht si Zotin tim dhe Shpëtimtarin tim. Faleminderit që në Të është jeta e përjetëshme dhe shpëtimi. Faleminderit që duke dhënë jetën e Tij për mua, ka paguar çmimin e mëkateve të mia”.

Perëndia njeh zemrën tënde, prandaj rrëfeji direkt mëkatet e tua Atij, sepse Ai ka paguar për secilin, edhe për ato më  të fshehtat.

Ai thotë në Fjalën e Tij: “Po ‘ti rrëfejmë mëkatet tona, Ai është besnik dhe i drejtë që të na falë mëkatet dhe të na pastrojë nga çdo paudhësi”.

Shpëtimi është një dhuratë me vlerë të madhe, por mendohu; Perëndia t’a ofron gratis, duke mos marrë parasysh çmimin e madh që u pagua prej Tij. Mos refuzo dhuratën më të bukur dhe më të rëndësishme të jetës tënde!

Kuptohet krenaria, natyra e çdo mëkatari, do të luftojë kundër braktisjes së besimit, meritave dhe fesë suaj. Megjithatë, s’ke alternativë tjetër. Patjetër duhet të ndërpresësh besimin tënd të gjërat e tjera dhe tani të fillosh të besosh vetëm në Zotin Jezus, i cili mund t’i shpëtojë gjithmonë ata që i afrohen Perëndisë me anë të Tij.

Nëse Perëndia të ka shfaqur nevojën tënde dhe të ka dhënë dëshirën për t’u shpëtuar, atëherë kthehu tek Jezusi dhe prano dhuratën e Tij, tani!

Miku im, lutju Perëndisë për të të shpëtuar dhe të zërë vëndin e Tij të drejtë në zemrën tënde, për t’u bërë Zot i jetës tënde duke të bërë të mundur t’i kthesh shpinën mëkatit dhe të fillosh të jetosh për Të.

Bibla na thotë: “Në qoftë se me gojë dëshmon se Jezusi është Zot dhe në qoftë se në zemrën tënde e beson se Perëndia e ka ringjallur nga të vdekurit, do të shpëtosh.. Kushdo që do të thërrasë Zotin për shpëtim, do të shpëtojë”. Këto premtime mund të jenë të tuat, nëse e vë besimin tënd në Zotin Jezus.

Por nëse nuk ke akoma besim për ta pranuar Jezusin në zemrën tënde, lexo Biblën dhe veçanërisht Dhjatën e Re dhe Perëndia do të të ndihmojë të kuptosh se sa e rëndësishme për jetën tënde është kjo çështje. Dhe nëse nuk ke një Bibël apo Dhjatë të Re, mund të dëgjosh emisionet tona dhe ne mund të të dhurojmë një të tillë, - Zoti do të të flasë me dashuri, kështu mund të kuptosh më mirë dhe të arrish në besim për të pranuar Jezusin.

Tek Ungjilli sipas Gjonit është shkruar: “Gjithçka që më jep Ati, do të vijë tek Unë; dhe atë që vjen tek Unë, Unë nuk do ta nxjerr htë kurrë”. Eja në shpëtim dhe në jetë. Eja tek Jezusi!